عادي والا مو عادي

عادي تجي من حلب بالسلامة ...... و تنسى الجنطة بالبولمان ....... بسى مو عادي تـنسى المرا بالكراج .... و تخبر على أخوها يجي يوصلها .

عادي تحب بنت الجيران 5 سنوات ...... بس مو عادي يوم الخطبة , تشوف أختها الزغيرة و تقول لأمك أريد هذيج يمّـا أم خشة زغيرة .

عادي تروح على حلب ...... بس مو عادي بـباب الفرج تدور على مطعم يسوي بامية زينة .....
عادي تتابع أخبار الجزيرة و العربية ....... بس مو عادي ما يرتفع ضغطك و ما ينهّز بدنك .

عادي تجتمع الدول العربية في مؤتمر قمة ....... بس مو عادي ما يحرد جــمّ واحد

عادي توصـّل مرتك على أهلها ..... بس مو عادي تقولها تحبين أعديّ عليج بعد 4 أشهر أخذج

عادي تتغزل بخطيبتك ..... بس مو عادي تقول لها تاليتي راح أخذج ..... و إذا ما خذيتج الله ياخذج .

عادي تحجي على الأطباء و شرف المهنة ...... بس مو عادي تنسى المعلمين اليّ مستلمين جيل كامل و لا حول و لا قوة على هيجذ تربية و تعليم

عادي تطلع بالقطار ......... بس مو عادي تلاقيه نظيف .

عادي تطلع بالقطار و تلاقيه مو نظيف ..... بس مو عادي تلاقي كرسيك فاضي .... بدها حرب

عادي يطلع الطلاب من المدرسة و يتكاونون بالشارع ...... بس مو عادي تحسبهم و كأنهم مسوين دورة بـ قطاع غزة من كثر رمي الحجار ....... صح يا أستاذ حابس .

عادي يوقف شرطي السير المخالفين ....... بس مو عادي يدشر [ محرمة و عكال ] تعدي من دون ما يوقفوا و حتى و لو مو مخالف ..... شتقولون يالربع .......

» امس كنا نقول عيب واليوم عادي