محاورة شعرية شهد الشمري وخالد الفراتي

محاورة شعريه بين شهد الشمري والاخ خالد الفراتي

خالد//ليش عفتيني ونسيتي وليش ضيعتي السنين
وليش ماهزج ضميرج دمعتي وذاك الحنين
انتي مو كلتيلي ارجع يمته يمعوده تجين

شهد//انه ماعفتك حبيبي انت ماتدري بعذابي
الدنيا بعدك حاربتني وذبلت زهره شبابي
انت لاتعتب عليه وياك ماينفع عتابي

خالد//لاالومج وابقه اعاتب يل نسيتي وعود حبنه
لاتكولين شبديه وذنب وكتي ومو ذنبنه
احنه ذبلنه المحبه وشوك حطينه بدربنه

شهد// فدوه لاتقسه بعتابك انت كل عقلك اعوف
وانه احس روحي حمامه وبس على ديارك تطوف
وزرعت حبك بكلبي اي ليش خضر بيه اوف
وعيني من حاربهه شوفك حرمت بعدك تشوف

خالد// جان حبك سر وجودي معلك امالي عليج
هسه ضيعتي المحبه وانه هم ضعت من اديج
رحتي بس مااخذتي روحي جدمي مايخطي ويجيج

شهد// من ردت اكتب عتابي تبجي وياي الحروف
جان سيف الدنيه ضدي واحن من كل السيوف
انت لو فعلا تحبني جا صرت عكس الضروف

خالد// ياضرف واحساسي شاعر حزني وي احساسه بات
وحبنه راح وماله رجعه وبقت بس الذكريات
ياحياة العنهه تحجي واحنه كلشي البينه مات


شهد// موتت حبنه بسهوله وبالعجل شفتك نسيت
اتضح حبك روايه وبيهه بس انه الهويت
انه مااريدك تردلي انت من كلبي انتهيت