العبرة في القصة الرائعة (قصة الشيخ كش كش)

العبرة في القصة (قصة الشيخ كش كش)
شاب ملتزم يعمل صبي جزار (قصاب) تزوج من فتاة جميلة فائقة الجمال
قام صاحب محل الجزارة (المعلم) بكافة تكاليف الفرح المهم هالشاب حسد نفسه على هالزوجة مشاالله عليها
ملتزمة فوق الطبيعة لدرجة انها تطلع لارض الديار لحتى تتوضأ ترجع ركض
فيسألها الشاب خير انشا الله ليش ما توضيتي للصلاة؟
تقلو : كان في عصفو عالشجرة وخفت يكون عصفور ذكر ويشوف وجهي وايدي و رجلي !!!!!
وهذا الشاب صار مالو تفكير غير زوجته....
ويسأل حاله معقول يصل الالتزام لهالدرجة؟
وحتى صاحب المحل زاد مدة دوام هالشاب بحكم انو صار عليه مسؤولية زيادة لحتى يزيد دخله الشهري
وصار مجرد ما يجي الشاب للمحل يطلع صاحب المحل ويقلو : شد حيلك وانتبه للشغل
وهالشاب يجلس يفكر شقد هالمرة ملاك منزل من السما
ومرة أجو تجار من غير مدينة وبدهم يشوفو الجزار (المعلم)
وما شافو بالمحل غير خوينا الشاب ...
سألوه وينو معلمك؟ قال دقيقة وأخليه يجي...
طار الشب لعند بيت معلمو وسأل عنو وقالولو ما هون؟
دور عليه لحتى تعب وما حصلو ومر من إدام بيتو وقال رح اصلي العصر وارجع للمحل...
دخل وياريتو ما دخل لقى معلمو مع زوجتو بالفراش.....
كره الدنيا و اسوددت بعيونه وحس ان كل شي كذب
وكيف هالملاك طلع شيطان
وطلقها وطلع من المدينة وظل يمشي لحتى هلك من التعب
ومر على مدينة حلوة وقرر يستقر فيها.....
سكن في هالمدينة الجديدة بحدود سنة يشتغل متل شغلته القديمة وكل يوم يسمع صوت طبل لمدة عشر دقايق أو اقل ومابيعرف ليش هالصوت؟
فمرة سأل معلمو : معلم ايش هالصوت هاذا كل يوم كل يوم؟
قال المعلم : اسكت لا حدا يسمعك
هذا الشيخ كش كش........؟؟؟؟؟
- أي واذا الشيخ كش كش؟
هذا صديق الملك !!
- طيب واذا صديق الملك ليش الطبل؟
هذا رجل دين ملتزم جدا لدرجة انو لما يمشي بالشارع
يخلي الصبيان يضربو الطبل عشان يهرب النمل وما يدوس النمل بالارض!!
- ايوة ؟؟
والملك بيحبو كتير وإياك تحكي عليه قدام حدا...
- هاها قلتلي ملتزم كتير كتير وخايف على النمل ....
- الله يرحم ايامك يالعصفور ... الذكر اللي على الشجرة؟
ومضى كم شهر وكان لما يسمع اخونا صوت الطبل يصير يضحك من قلبه ويبكي.. يتذكر العصفورة الملاك
وبيوم من الايام نسرقت خزينة الملك !!!!!!
الاف الدراهم وسبائك الذهب وووووووو
وجن جنون الملك
مين ..... وين ...... ليش..... ؟؟؟؟؟؟؟؟؟؟؟؟؟؟؟
ماحدا يقدر يهدي الملك المعصب غير صديقو الشيخ كش كش
نادو للشيخ............
جا الشيخ يا ملك الزمان ما حدا من رعيتك يقدر يساوي هالعملة السودة هذا اكيد لص او (غريب)
امر الملك بجمع كل اللصوص المعروفين في المدينة وكل الغرباء .... /إجاك الموت يا تارك الصلاة/
وبلشو فيهم ضرب ....
اطلع بالذهب ولاك.. وين الالماس ولاك....ووووو
وهيك لحتى وصلو لعند خوينا الشاب...
قبل ما حدا يمد ايدو عليه قال : لاحدا يلمسني انا بعرف وين الذهب !!!!!
- بس ما اقول لحدا غير للملك.
جابو لعند الملك...فجلس عندو وهو خوفان كتير كتير
قالو الملك :احكي يا ابني وين مخبي الذهب ؟
قال: والله ياملك ماشفتو ولا لمستو لكن ادلك عليه وعلى اللي سرقو!!
مين؟
- قال بيني وبينك ..... سرقو الشيخ كش كش!!
جن الملك شو عم تحكي انت ؟الشيخ ؟
- رح اثبتلك واذا ما طلع هو اعدمني.....
الملك طيب كيف رح تثبتلي؟
- بدي مسبحة الشيخ كش كش وتخليه جالس عندك لساعة!
ياشيخ كش كش ... عطيني مسبحتك شوي!!
ليش يا ملك الزمان هذي اللي وصارلي 35 سنة ما تركتها من ايدي وما اقدر افارقها دقيقة...ووووو
يا شيخ اذا تحب الملك جيب المسبحة..
ااااانا روحي ترخص لملك الزمان...تفضل..
خوينا الشاب اخذ المسبحة وطلع مع كم حارس لعند بيت الشيخ..
دق الباب ... مين ؟
- انا من طرف الشيخ...
شو بدك يا ابني؟
- بسلم عليكي شيخي ويقلك افتحيلنا طريق عشان ننقل الذهبات لأن العسكر بدهم يفتشو كل البيوت بما فيهم بيتنا ..
اي ذهبات ولك ابني مافي لا ذهبات ولا شي..؟
- ياحجة بعلامة هي ... وشوفها المسبحة وهي تعرف ان مسبحة الشيخ ما بيعطيها لابوه..
فمعناها الامر عن جد ...
ادخلو ابني في غرفة الشيخ في الصندوق اللي تحت المكتبة ....
اجا اخونا حامل الذهب هو والحرس لعند الملك وتفاجئ الملك وانذهل !!!!!!!
شو !!!!!!!!!!! وين!!!!!!!!
حكيو الحراس القصة للملك
فناداه الملك وقاللو كيف عرفت انه الشيخ؟
فحكى للملك قصته من الاول للآخر
................
..........
اعذروني اعزائي على الاسلوب
لكن حاولت اني اوصل الفكرة بغض النظر عن اسلوبي البدائي واللي دخلت فيه الف لهجة
اني لأفرح وكلي ثقة بأن الابتسامة مرسومة على الشفاه الغالية وهي تقرأ كلماتي البسيطة
شكرا لكم
محمد العراقي..............

مشكورر اخي الكريم

دير بالك تصير مثل العصفورة وكش كش
بلجي تعطيني مسباحك
تقبل مروري

» العبرة في القصة الرائعة (قصة الشيخ كش كش)
» صور من خلق الصحابيات ( الحياء ) سبحان الله هل يمكن ان نأخذ العبرة منهم تعالوا نتعلم ؟؟؟؟
» هذه القصة تدور احداثها حول جزار