نهر الفرات

(عتاب نهر الفرات)

بعدك يا نهر ما معتذر لحســــــــــــــــــــــــــــــــــين جا يمتة الخجل يكطع لك المنبع
تجري بكل صلافة وما يعتك عيب ومن ذاك الوكت وبعارك مــــــــــــــــــــــــــــــكبع
اتمنه الخريطة اتخالف التاريخ ونخلي ابدالك دم طــــــــــــــــــــــــــــــــــــفل يرضع
واتمنه الجروف اتعوفك من اســــــــــــــــــــــــــــــــــمك والطين ايتبرى منك ويطلع
خابط للابد ما كدروا ايصفوك اسمك مو فرات اتصير مســــــــــــــــــــــــــــــــــتنقع
هم تذكر الضربة وتذكر العباس لو صـــــــــــــــــــــــــــــرخة حسين وعبرة الرضع
ولك اخجل يانهر من طولك الممدود وتعنه لحســــــــــــــــــــــــــين وبالصحن اركع
ما شايف نهر يســــــــــــــــــــــــكي آل ابو سفيان وعن آل الرسول وصحبتة اتمنع
هو أول نهر ما يرحمه التاريخ شما عاش بسنينه وشمــــــــــــــــــــــــــــــــــا تمتع

+++++++++++++++++++++++++++++++++

شلون تجري ومايك ازرك يا فرات
وانت ذنبك مو ذنب يفطر ســــــما
اتسابكت بالطف على حسين السهام
ومايك اول سهم في صــــدره انرمه
وطاح ابو السجاد يم جرفك شهيد
بين سيفين العدا وسيف الضــــــــما
وجان مايك اشد كل السيوف
اثر على حســـــــــــــــين حيل وألمه
السيوف اتعنت تطلب دم حسين
وهاي حاسبها الحســــين مقدمه
بس بنات المصطفى يبجن اجبود
حسين حر وهـــــــــأي للــحر تلجمه
لكن انت تريد تذنب يافرات
وهاي ماتحتاج شرح وترجمة
تدري مايك لو وصل يم الخيام
جا روى العباس منهم صارمة
وجان ماردت روؤس اعلى الركاب
وجان ردت خيلهم تكطر دمة
شلون يمك مات عطشان الحسين
وماركض مايك يم جدمة وارتمة
طاعت اسماعيل صحراء الحجاز
وانت شح مايك لابن حامي الحمة
ذاك ابن واحد سال ربة الجليل
كيف تحيي الموتى وترد قائمة
وهذا ابن حيدر علي سيف الرسول
المايهاب بدينة لومة لائمة
الكال لويكشف عينة الغطاء
مايزيد اليقين الفاهمة
يافرات وتجري بعد يافرات
المايشوف الحق عسى بعينة العمى
كوم طم روحك حدر كبر الحسين
واعتذر لله واطلب مرحمة
كوم وغسل مايك برمل الحسين
وخلي مايك يا نهر يتيميمة
ضحى باخر قطرة من دمه الشريف
وظلت اخر قطرة ثورة قائمة
حسين صافي واصفى من ماي الجنان
وانت مايك طين وجرفك طمة
حسين نبع الجود وانت اسمك نهر
ويانهر للمنبع انطة وكرمة
حسين لومنك شرب جان ارتويت
وجان اتشرف مايك ايلامس فمة
لكن انت احظ اعماك وانتهيت
وسوء حظك رادلك هالخاتمة

++++++++++++++++++++++++++++++++++++++++++++++++++++++++++++
لسه تجري يا فرات ويمك حســــــــــــــــــــــــــــــين وتييمم للصلاة
اني مايخلص عتابي كــــــــــــــــــــــــــــــــــــــــــونك تعرف العتاب
واني ماجيتك اســــــــــــــــــــــــــــــــــــــــألك ادرى ماعندك جواب
انته لوحر يافرات ينكلب مــــــــــــــــــــــــــــــــــــــــــــــــا يك تراب
وتنجوي ابنار اليتامه وتشـــــــــــــــــــــــــــــــرب ادموع المصاب
والغريبه والعجيبه يعتنيك حســــــــــــــــــــــــــــين عطشان وترده
انت لوله حسين اســــــــــــــــــــــــــــــــألك من تكون ومن يعرفك
انت لجل حسين تجرى ولو شرب مهره يشـــــــــــــــــــــــــــــرفك
وانته تدري احزام ظهره وينذبح ظامي اعله جـــــــــــــــــــــــرفك
مايشربك هذا ذنبك جيت ابوفاضـــــــــــــــــــــــل عليك تكلفه زنده
ولسه تجري لســــــــــــــــــــــــــــــــــــــــــــــــ ــــه تجري يافرات
يانهر مثلك تذكره الوادم ابحســـــــــــــــــــــــــــــــــــــــره وملامه
ويانهر مثلك اناشــــــــــــــــــــــــــــــــــــــــــد يبخل ابشربة يتامه
يانهر مايك نعرفه لاتظن يجري ابســــــــــــــــــــــــــــــــــــــــلامه
جبد ابو اليمه نشوفه ابمايك وهاي العلامـــــــــــــــــــــــــــــــــــه
مانسينه الحركه بينه هذا ابن سيد الرســــــــــــــل مايروي جبده
ولســـــــــــــــــــــــــــــــــــــــــــــــ ـــــــــــــــــــــــه تجري يا فرات
جم طفل عطشان يصرخ يافرات اشــــــــــــــــــــــــــــــــكد اخبرك
وانته لو تتعنه ليهم للخيم يمـــــــــــــــــــــــــــــــــــــــــكن نعذرك
تدري عبدالله يظالم باخر انفاســــــــــــــــــــــــــــــــــــــه وينظرك
افهم ابهل نظره معنى حته تفهم شــــــــــــــــــــــــــــــــنهو قدرك
تكفي نظره وتبقه ذكره ومانشف دمع الطفل لســــــــه اعله خده
ولســـــــــــــــــــــــــــــــــــــــــــــــ ــــــــــــــــــــــه تجري يا فرات
يانهر امرك عجيبه لســـــــــــــــــــــــــــــــه تجري اهوايه صعبه
كل نهر يتبره منك واليحب مايشـــــــــــــــــــــــــــــــــــــــفه كلبه
انته مذنب يا فـــــــــــــــــــــــــــــــــــرات ويانهر يجري اويذنبه
انته تروي اخيول اميه وسكنه ماتلحكهه شـــــــــــــــــــــــــربه
عمهه مارد وانت تشهد والمثل عمهه يكصدك لو تكصــــــــــده
لســــــــــــــــــــــــــــــــــــــــــــــــ ــــــــــــــــــــه تجري يا فرات
يانهر كلما اشوفك تجري اســــــــــــــــــــــــــــــــأل لسه تجري
وانتظر موعد حســــــــــــــــــــــــــابك يانهر واني اعله جمري
لو نعد كطرات مايك دمــــــــــــــــــــــــــــــعي اكثر وانت تدري
هلكبر جرحــــــــــــــــــــــــــــــــــك يخاين وهلكثر يتبده صبري
ثاري ثاري يطفي ناري يالخنت بحســــــــــــين واليت اليضده
ولســـــــــــــــــــــــــــــــــــــــــــــــ ـــــــــــــــــــه تجري يافرات
منقول