ضحك حتى الموت

قال ثبت عيد الفطر بحمص بعد رؤية هلال شوال على سيارة الاسعاف

اربعة حرابيق طالعين بتكسي, بدون ياكلوا الاجرة عالشوفير قام اتفقوا انو ينزلوا بسرعة بس توقف السيارة
وفعلا وقفت السيارة قام فتحوا الابواب بسرعة واشتغل الركض رجليهم تدق بضهرهم من السرعة
وفاتوا ببناية عالعظم وطلعوا اول طابق....تاني طابق....تالت.....
هيك حتى وصلو لاخر طابق لزقوا بالحيطان ولا حس ولانفس هيك شي نص ساعة,
بعدين واحد منهم نكش اللي ناحو قلو: يا ترى شو صار بالشوفير؟؟؟ قلو: لك انا الشوفير بس قلي شو القصة

في ثلاثه قطرين قاعدين امام البحر فقال الاول شايفين السماء انا دهنتها
قام الثاني قال شايفين البحر الميت انا قتلتوا
قام الثالث قال شايفين المحيط الهندي قالوا اي ! قال انا كفيلو

حمصي فتح حساب بالبنك عطوه بطاقة صراف راح جلدها

سؤال: ايه اللى اصغر مباشرة من الحشرة ............
جواب: التسحة

خاروفين واقفين حد بعض قلو الاول بااااااااء قلو التاني عمرك اطول من عمري كنت رح قولها

وحدة جوزها حمصي نايمين بالليل حست بحركة بالصالون فيقت جوزها قالتلو قوم يمكن في حرامي بالصالون
قلها قومي انتي يمكن تطلع حرامية

في شرطي راحت امو تخطبلو فا سألوها اهل العروس شو بيشتغل ابنك ؟
قالتلهم شرطي بالمخفر بس معو معو بكرة بس يتعلم المصلحة بيفتح مخفر لحالو

واحد سعودي وواحد مصري سأل السعودي المصري شو بيفطرو المصريين عادة,
فجاوب المصري فول رجع سألو شو بياكلو على الغدا فجاوبو المصري فول رجع سألو وعلى العشا فرد المصري كمان فول
فقلو السعودي لكن شو في فرق بينكن وبين الحمير فرد عليه المصري البحر الاحمر

في واحد مصري وكردي معزومين على عشا
لما اجى المنسف كان اللحم الكويس قدام المصري
انزعج الكردي و دار الصينية وقال دنيا فتلي متل الصينية
رجع المصري الصينية على وضعها وقالو ماتسيب الدنيا بحالها

كان في حمصي يحط ابنو فوق الخزانة قبل ما ينام ليش مشان اذا وقع يحس عليه

قهوجي اشترى سيارة جديدة.....طلع كراسيها لبرا

في اتنين حشاشين جالسين مع بعض قام الاول قال للتاني والله امس ضربتي الكهربا ضربة قوية كتير لدرجة انو صورتي طلعت بالفاتورة

مرة واحد ومرته راحو عالمحكمه ليطلقوا
قام القاضي سال المره ليش بدك تتطلقي
قام قالتله لانه حيوان
سالها يعني ما كنتي تعرفي من الاول انو حيوان
قالتله لا
فقام زوجها قال للقاضي كزابه كانت تعرف

مرة واحد من كتر ما خسر بالبورصه مرض
راح لعند الدكتور قام قله الدكتور : ياالهي ضغطك وصل 70
قله المريض : بيع بيع بيع

سأل صف ضابط من محافظة دير الزور احد الجنود الأغرار.. يول يابا شكون اسمك؟
فرد عليه الجندي.. انطوني. فسأله الضابط ثانية... شكون انطوك؟

تعرف شاب في كلية الطب البيطري على زميلته وجلس معها في الكافيتربا ليصارحها بحبه.. فقال لها: أنا بهيم في حبك...
ردت عليه زميلته: وأنا بهيمة.. ومش ح ارفسلك طلب ابدا..

حماصنة راحوا يلعبو بلياردو طلع واحد منهم عالطاولة و قال يللا شباب انا الحارس

يقلك اتنين حماصنه واحد بيسأل التاني بيأللو نابليون لما كان صغير شو كان اسمو ، ام التاني اللو كان اسمو نامليون .

ليش العزابية بكونوا غالبا نحاف و المتزوجين سمان؟؟
العزابي بيرجع على بيتو بيقتح البراد مابيلاقي في شي جديد ... بيروح بينام
المتزوج بيرجع على بيتو بدو ينام بشوف مرتو.... يقوم يروح على البراد

حمصي لقى كنز قال كويس باقي الخريطه

حمصي قدم على وظيفة سألوه عن المؤهل قال: ابتدائي واعرف واحد يدرس بأمريكا

في واحد شامي يامعلم
افتتحوا جنب بيتهم محطة بنزين !!!! قال الحمد لله يعني بنروح نعبي بنزين مشي

واحد حمصي مسكتو الكهرباء فصاريصرخ :والله موأنا والله موأنا

صاروخ عمل ريجيم صار تحميلة

للتأكد من أنك أصبت بإنفلونزا الطيور أم لا، إليك الأعراض:
1- الشعور بالرغبة بالطيران
2- هز الرقبة بطريقة غير عادية
3- خروج الريش من تحت الإبط
4- الشعور بالخجل إذا رأيت ديك...

مرة واحد راح عند فروج البعث قلو أعطيني رفيقين منتوفين

في الستينات كان في بياع خضرة ماشي بالعرباية عم ينادي يوسف أفندي.. يوسف أفندي قام وقفوا واحد مخابرات
وقالو شو هاي ولاك افندي ؟ زمن الافندية راح.. قام هاد بياع الخضرة مشي وصار ينادي الرفيق يوسف.. الرفيق يوسف

شيخ لبناني عم يقول صومو صلو حجو بكرا مابدي فوت عالجنة شوفهن كلن سوريين.

ليش اول عشر ثواني بسوريا عالتلفون ببلاش.......عشان اّّّّّّّّ اّّّّّّّّ اّّّّّّّّ اّّّّّّّّ اّّّّّّّّ اّّّّّّّّ اّّّّّّّّللللللللللللللللللللللللللللللللللللللووووووووووووووووووووووو

في مرة كان زلمي كبير بالعمر مل من القعدة بالبيت، قال لازم لاقي وظيفة، قام راح لعند شركة فخمة سألوه هلأ بالله يعني شو هوي عمرك،
صفن شوي و قال لحالو لعمى تكربسنا ... قللون: 25 سنة... قالولوا اي لأ زودتا عم...
قللون: خلص 35سنة... فقعوا ضحكة وقالولوا: اي العبا عغيرنا... ارفعن شوي...
قاللون: 45 سنةوخرسوا بقى... لعمى فيعيونكن ما عاد في غير 10 سنين وبطلعوني تقاعد

راح واحد محشش يقتل شرطي . بعد ما قتلوا اتصل بل الشرطة وقال : 112 قلوا الشرطي نعم .
قللون المحشش ايه انبسطوا صرتوا 111

محشش منعه الدكتور من تناول 25 نوع من الوجبات الغذائيه حفاضاً على صحته
بعد يومين جابلو المحشش إستثناء من الوزير

واحد حمصي قعد يتفرج على ال بي سي في نهار رمضان.... قام ندم ففتح على قناة السودان اسبوع كفارة !!!

مصرية تتمشى في أمريكا قام واحد غازلها
قالتله(collect your self otherwise i collect the street on you your mother soul)
الترجمة : (لم نفسك أحسن ما ألم الشارع عليك ياروح أمك)

في واحد حمصي اشترى سيارة ب ام دبليو و قال له البائع أنها ذات مواصفات خاصة فعندما يحدث لها حادث يخرج منها صوت و يقول
ياأيتها السيارة ال ب أم إرجعي كما كنت و تعود كما كانت . فأخذها الى قاسيون و قام بصدمها من الأمام بشجرة فنبعجت و صدر
منها الصوت نفسه ياأيتها السيارة ال ب أم إرجعي كما كنت و تصلحت السيارة ثم صدمها بصخرة و انبعجت أكثر من المرة السابقة
و صدر منها الصوت نفسه ياأيتها السيارة ال ب أم إرجعي كما كنت عندها قادها بسرعة و قفز بها من فوق الجبل عندها سمع الصوت
يا أيتها النفس المطمئنة إرجعي إلى ربك راضية مرضية...

مره واحد بدوي بحكي لمرته : الليله عاوز رومانسيه !!سألت البنت امها شو يعني رومانسيه ؟؟؟؟
حكتلها امها : ما بعرف بس احتياطا انقعي الرز .

بينما كان ابو جهل جالسا عند بني قينقاع سنتركافيه واذ بأحد من شباب الاوس والخزرج بعث له فايروس بالبلوتوث،
فغضب ابو جهل غضبا شديدا ورمى الكابتشينو في وجه الفتى وفي راوية اخرى لم يدفع الفاتورة.

مرة ابو العبد رجع عالبيت، لاقى مرتو عم تقص رجلين الطاولة. قالها ابو العبد: ليش يا مرة عم تقصي رجلين الطاولة؟
قالتله: طاطوطا.. قالها ابو العبد: يقبرني زمورك. بس عن جد ليش عم تقصيهم؟؟

في حمصي أجرو عليه اختبار على جهاز الكذب و قالولو كل سؤال بدك تجاوب عنو بصراحة,فهمت؟ قام قال فهمت قام ضوا الجهاز

مرة واحد شيخ ماشي بالشارع .. سأل واحد محشش : أخي الكريم ,
هل لك أن تدلني على الطريق العام و سأكون لك من الشاكرين .. قلله المحشش : صدق الله العظيم

فار محشش قال : كل القطط تحت جزمتى لقى وراه قط اسود قال الا ابو سمره حبيبي

دكتورين تقابلو واحد سأل الثاني: ليش شايل تحميلة ورى دانك؟
استغرب كتير الدكتور وقال: تحميلة...الله أعلم وين راح القلم

رسالة ام محششة لابنها : 1.ابني العزيز
أنا بخير هنا وأتمنى انك تكون بخير هناك اكتب هذه الرسالة ببطء لأني اعرف انك لا تستطيع القراءة بسرعة
أبوك قرأ في الجريدة أن أكثر الحوادث العرضية تقع على بعد 20 ميل من بيتنا لذلك انتقلنا لبيت جديد يبعد عن بيتنا القديم الذي تعرفه 20
ميل ما اقدر أرسلك عنوان البيت الجديد عشان اللي اشترينا منه البيت اخذ عنوانه معه لا يريد أن يغيره ونحنا في الأسبوع الجاي
راح نجيب عنوان بيتنا القديم لذلك عنوانا ما راح يتغير ....
البيت الجديد حلو كتيييييييير وفيه غسالة في وسط الحمام على يمين المرحاض بس شكلها ما تشتغل كويس الأسبوع اللي راح
حطيت فيها ثلاث قمصان وسحبت السلسلة وراحوا بنص الغسالة ولا لقيتهم بعدها ....
الجو في هالمنطقه كويس أمطرت مرتين الأسبوع الماضي المرة الأولى جلس المطر ثلاث أيام والمرة الثانية جلس المطر أربع أيام ..
عمتك تقول ما تقدر ترسل لك الجاكيت اللي طلبته عن طريق البريد لان وزنه ثقيل بسبب أزراره الحديدية لذلك قطعت الأزرار
وحطتها في جيب الجاكيت ...
أبوك أشتغل شغله جديدة وتحت أيده 500 عامل يحصد الحشيش اللي ينبت في المقبرة ...
أختك ولدت اليوم الصبح بس ما بعرف شو جابت ولد ولا بنت لذلك ما بعرف أنت شو بدك تصير خال أو خاله
عمك خالد وقع في البير وكان فيه رجال حاولوا يسحبونه لكنه قاومهم بكل شجاعة وغرق .
أحرقناه وجلس يحترق ثلاث أيام وما نشف لأنه رطب من الماء
أبو اعز أصدقائك يحتضر وطلب من صديقك سلمان انه يدفنه وسط البحر إذا مات. وراح يحفر قبر لأبوه وسط البحر وغرق ومات
تذكر يوم كنا نحشش سوى وقلتلي أمي أنا بحبك؟؟؟؟ قلتلك وقتها خلي علاقتنا صداقة بس ..... كانت أيام حلوة
و بمناسبة العيـد احب اهنيك برمضان ،جعله الله زواج سعيد و امطار خير
خلاص ما فيه شي جديد وهذا كل اللي عندي
أمك.
ملاحظة: أنا كنت بدي أرسلك فلوس بس ما تذكرت إلا بعد ما قفلت الرسالــة

وأخيرا ..........
ومن لم يمت بحد السيف مات بغيره تعددت الاسباب والموت واحد وما طار طير وارتفع الا كما طار وقع كابتن حمصي يعلن عن اقلاع طائره

عدد المساهمات : 559 تاريخ التسجيل : 17/10/2009

مشكور على هذا المقال وانا شخصيا اعتبرو من اهم المواضيع الموجودة في المنتدى شكرا لك

» ما احلى طعم الموت
» كل نفس ذائقة الموت
» لاتغفل عن الموت