كضيت العمر هايم بس أوالف

بس اوالف ...
كضيت العمر هايم بس اوالف
وخسرت اجمل شبابي بالسوالف
يادولاب العمر يازي بس والف
تلف مقلوب وين تريد بيه
ـــــــــــــــــــــــــــــــــــــــــــــــــــ
لطمها...
جبت روحي عقب عزها لطمها
بحزن جمعت رواسيها لطمها
قلت بالسبخة انا لروحي لطمها
اطمها ونارها توحي عليه
ــــــــــــــــــــــــــــــــــــــــــــــــــ
والناس ...
خزرني وصد حبيبي وقلت وين ناس
ولك اقرب يالالي بدنياي وناس
قلتله نطيني بوسة وقال والناس
أخو نقلهم يريد يبوسه خيّة
ـــــــــــــــــــــــــــــــــــــــــــــــــــ
نخله ...
ذلول الشوق بأرض الشوك نخله
ولا ساعة من الحسرات نخله
صرت مثل الاله بالشام نخله
الثمر للغير واني النوح ليه
ـــــــــــــــــــــــــــــــــــــــــــــــــــ
ولطفه ...
يلهب جمر دلالي ولطفه
على اللي انتظر عطفه ولطفه
بحضن امه واناغيله والاطفه
اقول يصير صار وخان بيه
ــــــــــــــــــــــــــــــــــــــــــــــــــ

اشكرك على التميز في مواضيعك

ياااخي ابدااااااااااااع
ربي يزيدك