شاعر يتزوج شاعرة مع الشعر

شاعر تزوج شاعره وفي ليلة الدخله ......؟؟تعالوا شوف

شاعر تزوج شاعره
--------------------------------------
في هالموضوع حبينا نغير ونجيب لكم شي فيه من الفكاهه
والمرح والشعر بين شاعر تزوج شاعرة
شاعر وشاعره جمعهم النصيب وتزوجوا .. وكان بينهم اتفاق
تكون ليلة العرس مختلفه وغير تقليدية
وأن كل منهم يقول أبيات شعر إرتجالية وقت وجودهم على
الكوشة .. وبطريقة المحاورة ..

دخل العريس على عروسه وهي تنتظره على الكوشه ..
وبدا ينفذ الاتفاق

وأول شي رحب بالحاضرات وقال :

مرحبا ضيفاتنا .. فالفرح نوّر 000 ياهلا ويامسهلا بالحاضراتي

أرقصن غنن ولابي منكن أكثر 000 أنفضن سمر الجدايل مايلاتي

الفرح بوجودكن يزها ويفخر 000 دامه الله نعمةٍ يالغالياتي

وبعد هالأبيات .. رحب العريس بعروسه وقال :

الفرح فرحين وإنتي الفرح الأكبر .000 ياهلا بك ياعروسي يا مناتي

قبلة الترحيب ، هاتي الخد الأيسر 000 الشنب يخدش خدود موّرداتي

ربي جمّعنا .. وقول الله أكبر 000 شاعرٍ مع شاعرة بأحلى غناتي

وجا دور العروس الشاعرة .. وردت على عريسها وقالت :

ياهلا بك وأحترم نفسك توّدر 000 وأنثبر ساكت ولا تشوف ..البناتي

فارغٍ قلبك مثل ذيبٍ تحدّر 000 يلغف الخرفان في صمت وسكاتي

لا تفكر يعرفن بالشِعْر الأحمر 000 ما يبن شعرك .. بناتٍ عاقلاتي

ويلتفت العريس على عروسه وأبياتها القوية ويرد :

شينها من ليلةٍ يالوجه الأقشر 000 أعقلي يابنت .. خوف من الشماتي

أضحكي قدامهن لو ضحكٍ أصفر 000 ولا تفردّنا .. تشوفي الطايلاتي

وين عقلك بالشعر .. راح وتنكر 000 وين كلمة حب .. وين المفرداتي

فترد عليه العروس :

تحسبن العرس يالأنثى المذكر 000 مثل شعرك هرج وصف القافيتي

العرس .. تدخل بعالم مثل تِقبر 000 ما مضى تنساه تحيا كالرفاتي

المْرَهْ بالعنق .. والأولاد تكبر 000 والعوافي تعقبك في كل آتي

العريس شاف السالفه بتخرب من أولها ، وعروسه بدت تشتكي من أول ليلة

فحب يستثيرها وقال وهو يوصف البنات الحاضرات وأم العروس :

شوفي اللي لابسه فستانٍ أخضر 000 كنها لولب برقص المبدعاتي

وشوفي أمك كنها كيسٍ مخصّّر 000 وفرقي بين العجايز والبناتي

وشوفي المزيون راع الشعر الأشقر 000 واهني الرجل في ريم الفلاتي

وهنا العروس طقت عروقها .. وشالت الكلافه بينهم .. وردت عليه :

لعنبو أصلك ترى لو ما تدّبر 000 وتستحي يالشين تقعد في ثباتي

لأصفقك كفين .. أعذر من قد أنذر 000 وأتركك وحدك وهج بلا عباتي

منت رجّال .. ولكن ثورٍٍ أزعر 000 لا حيا .. لا سمت من كل الجهاتي

وتوقف العروس .. وتصيح بعريسها تطلب أنه يقوم ويروحون :

هيّا قم .. قامت عصبك ولا تأخر 000 ناويه أعطيك درسٍ في الصفاتي

ويرد العريس .. يمازح عروسته :

ماني قايم .. روحي لوحدك ولا أكثر 000 خايفٍ منك تجيبي لي حماتي

ويقومون الاثنين وينزلون من الكوشة .. والعروس تهمس في أذن عريسها :

شخّص ببشتك وراسك فوق أكثر 000ودنق عيونك .. ومشيك في ثباتي

وأمسك بيدي .. وتبسم ولا تنثّر 000 ومن قرب حولك تردد .. "ياحياتي "

فيرد العريس بشويش :

من سمع هرجك .. يقول ولا تحذّر 000 ضبي شارد ما خذه ضبٍ نباتي

جعل منتي ذيك اُم الشعر الأشقر 000 لا .. وتتشرط علي وجه الدباتي

وتقفل مع العروس وتشين الأخلاق وتمسك نفسها لين وصلوا غرفة النوم .. ثم قالت :

شف ترى مابي مشاكل أو كدر 000 خلنا نِمْرحْ .. قبل وقت الفواتي

هدني الارهاق ولا أحتاج السهر 000 والصبح بدري يهجدوني خواتي

وأبو الشباب يرد عليها .. :

مايصير .. اللي تقولي من عذر 000 ما أنام إلا .. بحل الواجباتي!

وش تقول أمي .. إذا بان الخبر 000 وش أقول لهم ..تلحفت بعباتي!

والعروس تضيق بها الفسيحة .. وتقول :

لا تطوّلها ... وفكر بالأمر 000 وش دخلهم .. فزواج الشاعراتي

وأن رفضت أرميك في هذا الممر 000 وأقفل الغرفه وطوّل في سباتي

وكما جرت عليه العاده .. يخضع العريس لرغبة عروسه ..
ويتلحف ببشته وينام..

فديت كل شاعرة انثى
أخوكم أبو النور

[ندعوك للتسجيل في المنتدى أو التعريف بنفسك لمعاينة هذا الرابط]

اماااا

فديتك يا أبو النووووووور

كلك حركاااااااات

وشو اوما بنوته

هذا شعر حقيقي مو اوما

اشكرك على مرورك

امير وربي امير عطرت موضوعي وزدته اشراقة لبى قلبك

» أمل دنقل شاعر أم شاعرة ؟
» عريس يتزوج وعروسة مفارقة للحياه
» جديد الشعر